Thursday, 9 May 2013

अमिताभ बच्चनला ऑस्ट्रेलियातील विद्यापीठातर्फे सन्मान

  • ऑस्ट्रेलियातील 'ला ट्रोब' विद्यापीठातर्फे 'ला ट्रोब युनिव्हर्सिटी ग्लोबल सिटिझनशिप अ‍ॅवॉर्ड' देऊन अमिताभ बच्चन यांना गौरविण्यात येईल. ७० वर्षीय अमिताभ हा या पुरस्काराचा पहिला मानकरी असून याच विद्यापीठातर्फे 'श्री अमिताभ बच्चन स्कॉलरशिप' नावाने पीएच.डी. शिष्यवृत्ती सुरू करण्यात येणार आहे.
  • 'ला ट्रोब युनिव्हर्सिटी ग्लोबल सिटिझनशिप अ‍ॅवॉर्ड' हा पुरस्कार या विद्यापीठातर्फे नव्याने सुरू करण्यात आला असून अमिताभ बच्चन हे या पुरस्काराचे पहिले मानकरी आहेत
  • ऑस्ट्रेलिया येथील विद्यापीठांत मीडिया, फिलोसॉफी, चित्रपट आदी विषयांत पीएच.डी. करणाऱ्या भारतीय विद्यार्थ्यांला 'श्री अमिताभ बच्चन स्कॉलरशिप' देण्यात येईल. संबंधित विद्यार्थ्यांला चार वर्षीय शिष्यवृत्तीसाठी सुमारे २५ हजार डॉलर इतकी रक्कम दिली जाईल.

Wednesday, 8 May 2013

तमिळनाडूमध्ये गुटखा बंदी

तमिळनाडूमध्ये राज्य सरकारने पानमसाला, गुटखा या तंबाखूजन्य पदार्थांचे उत्पादन, साठवणूक, वितरण आणि विक्रीवर बंदी घातली.
केरळ, आंध्र प्रदेश या राज्यांमध्येही गुटख्यावर बंदी घालण्यात आली आहे.

50 व्या महाराष्ट्र राज्य मराठी चित्रपट महोत्सवातील विजेते

सर्वोत्कृष्ट चित्रपट पुरस्कार
  • प्रथम - काकस्पर्श (दिग्द. -महेश मांजरेकर/निर्माते -अनिरुद्ध देशपांडे व मेधा मांजरेकर) 
  • द्वितीय - तुकाराम (दिग्द. - चंद्रकांत कुलकर्णी/निर्माते -संजय छाब्रिया) 
  • तृतीय - अजिंठा (दिग्द. -नितीन देसाई/निर्माते - नितीन चंद्रकांत देसाई) 
  • सामाजिक प्रश्‍न हाताळणारा चित्रपट -श्‍यामचे वडील (दिग्द. -आर. विराज/निर्माते - अजय पाठक) 
  • ग्रामीण प्रश्‍न हाताळणारा चित्रपट - धग (दिग्द. - शिवाजी लोटन पाटील/निर्माते - विशाल गवारे) 
50 व्या महाराष्ट्र राज्य मराठी चित्रपट महोत्सवातील विजेते
सर्वोत्कृष्ट कथा - उषा दातार (काकस्पर्श)
सर्वोत्कृष्ट पटकथा - रवी जाधव, अंबर हडप व गणेश पंडित (बालक पालक)
सर्वोत्कृष्ट संवाद - संजय पवार (भारतीय)
सर्वोत्कृष्ट संगीत - कौशल इनामदार (अजिंठा)
सर्वोत्कृष्ट गीत - ना. धों. महानोर (मन चिंब पावसाळी... अजिंठा)
सर्वोत्कृष्ट गायक - ज्ञानेश्‍वर मेश्राम (जगण्याचा पाया... तुकाराम)
सर्वोत्कृष्ट गायिका - हंसिका अय्यर (मन चिंब पावसाळी... अजिंठा)
सर्वोत्कृष्ट नृत्यदिग्दर्शन - सुभाष नकाशे (लाल होळी... अजिंठा)
सर्वोत्कृष्ट पदार्पण (निर्माता) - विवा इन व रवी जाधव (बालक पालक)
सर्वोत्कृष्ट पदार्पण (दिग्दर्शक) - निखिल महाजन (पुणे 52).
सर्वोत्कृष्ट पदार्पण (अभिनेत्री) - श्‍वेता साळवी (कुरुक्षेत्र)
सर्वोत्कृष्ट बालकलाकार - हंसराज जगताप (धग)
सर्वोत्कृष्ट विनोदी अभिनेता - विजय पाटकर (लावू का लाथ)
सर्वोत्कृष्ट सहायक अभिनेता - अरुण नलावडे (शूर आम्ही सरदार)
सर्वोत्कृष्ट सहायक अभिनेत्री - मृण्मयी देशपांडे (मोकळा श्‍वास)
विशेष पुरस्कार (अभिनेता) - उमेश कामत (परिस)
विशेष पुरस्कार (अभिनेत्री) - हेमांगी कवी (पिपाणी)
सर्वोत्कृष्ट अभिनेत्री (विभागून) -उषा जाधव (धग)/प्रिया बापट (काकस्पर्श)
सर्वोत्कृष्ट अभिनेता - सचिन खेडेकर (काकस्पर्श)

नवजात अर्भक मृत्यूमध्ये भारत पहिला

जन्म घेतल्यानंतर 24 तासांतच मृत्यू पावणाऱ्या अर्भकांची संख्या भारतात तब्बल 3 लाख असून, जगभरात ही संख्या सर्वांत जास्त आहे.
"सेव्ह द चिल्ड्रन' या स्वयंसेवी संस्थेने यासंदर्भात पाहणी केली आहे. संस्थेच्या पाहणी अहवालानुसार, जगभरात होणाऱ्या नवजात अर्भकांच्या मृत्यूच्या प्रमाणात भारतातील अर्भकांचे प्रमाण 29 टक्के आहे. या संशोधनासाठी 186 देशांत पाहणी करण्यात आली. जगाच्या लोकसंख्येपैकी 24 टक्के लोक दक्षिण आशियात राहतात. याच दक्षिण आशियात पहिल्याच दिवशी मृत्यू पावणाऱ्या अर्भकांची संख्या 40 टक्के आहे. नवजात अर्भकांच्या मृत्यूमध्ये भारताखालोखाल बांगलादेश आणि पाकिस्तानचा क्रमांक लागला आहे. बांगलादेश व पाकिस्तानात दरवर्षी अनुक्रमे 28 हजार व 60 हजार नवजात अर्भकांचा पहिल्याच दिवशी मृत्यू होतो. या विभागात होणाऱ्या बालमृत्यूचे वाढते प्रमाण हे मातांच्या कुपोषणामुळे असल्याचे अहवालात म्हटले आहे.
बालमृत्यूची प्रामुख्याने तीन कारणे संशोधकांना आढळली आहेत. यातील प्रसूतीच्या वेळी होणारी गुंतागुंत, वेळेआधी झालेली प्रसूती आणि संसर्ग, ही तीन कारणे यामागे आहेत. कमी खर्चाच्या जीवरक्षक यंत्रणेद्वारे हे प्रमाण 75 टक्के कमी करता येणे शक्‍य आहे. राजकीय इच्छाशक्ती आणि माता व अर्भकांपर्यंत ही मदत पोचविण्यात येणारे अडथळे, या गोष्टींचा अडसर यात आहे. मोठ्या प्रमाणात आर्थिक प्रगती होत असताना गरीब व ग्रामीण भागातील जनतेच्या आरोग्यावरील खर्च वाढविणे भारताला शक्‍य आहे. हा खर्च वाढविण्यात आला, तरी तो गरजूंपर्यंत पोचत नाही, असे अहवालात म्हटले आहे.

Tuesday, 7 May 2013

पंकज चतुर्वेदी यांना 'विल्केनफील्ड' पुरस्कार प्रदान

मुंबईच्या टाटा मेमोरियल रूग्णालयातील भारतीय डॉक्टर पंकज चतुर्वेदी यांना यंदाचा 'ज्युडी विल्केनफिल्ड आंतरराष्ट्रीय तंबाखू नियंत्रण पुरस्कार' प्रदान करण्यात आला आहे. भारतात तंबाखूचा वापर कमी करण्यासाठी त्यांनी मोलाची कामगिरी बजावली आहे.
कर्करोग शल्यविशारद असलेले डॉ. पंकज चतुर्वेदी यांना 'तंबाखूमुक्त मुले' या मोहिमेसाठी हा पुरस्कार मिळाला आहे.
मुखाच्या कर्करोगाचे प्रमाण भारतात जगामध्ये सर्वाधिक आहे. दरवर्षी तंबाखूने दहा लाख लोक मरण पावतात. ही संख्या दरवर्षी दहा जंबो जेट कोसळणे किंवा दरवर्षी दहा सुनामी किनाऱ्यांवर धडकण्याने होणाऱ्या प्राणहानीइतकी आहे.
धूम्रविरहित तंबाखूवर देशातील २८ पैकी २३ राज्ये व सात पैकी ५ केंद्रशासित प्रदेशात बंदी घालण्यात आली आहे. देशातील २० राज्यांत तंबाखूवरील कर हा वाढवण्यात आला आहे. कर वाढवल्याने तंबाखूजन्य उत्पादनांचा वापर कमी होऊन ५० लाख लोकांचे प्राण वाचतात.